Policia e Tiranës ka proceduar penalisht dy persona të përfshirë në sherrin që ndodhi në Farkë më 25 prill.
“D. D., 37 vjeç dhe A. L., 38 vjeç, për veprat penale “Plagosje e lehtë me dashje” dhe “Kanosje”, pasi dyshohet se kanë qenë të përfshirë në konfliktin e ndodhur në një residencë, në Farkë, me datë 25.04.2025”, njofton policia.
Këta dy persona dyshohet se kanë qenë të përfshirë në sherrin, ku u dhunua me sende të forta Kristi Fufin mbrëmjen e të premtes në rezidencën “Long Hill” në Lundër.
Sipas policisë sherri ka ndodhur për shkaqe banale, pasi 19-vjeçari Kristi Fufi ka liruar gomat pranë një vendi ku po qëndronin Kliton Sulçe dhe dy djemtë e tjerë që tashmë po hetohen në gjendje të lirë, 37-vjeçari D.D dhe 38-vjeçari A.L.
Aty ka nisur një konflikt verbal ndërsa me pas grupi i djemve kanë shkuar në lokalin ku po qëndronte 19-vjeçar, djali i ish-deputetit Mëhlli Fufi, që më pas e dhunuan.
