Qindra njerëz dyshohet të kenë humbur jetën nga një ciklon që goditi territorin francez të Oqeanit Indian të Mayotte këtë të shtunë.
Prefekti i Mayotte François-Xavier Bieuville tha se:
“Unë mendoj se ka disa qindra të vdekur, ndoshta do të arrijmë afër një mijë. Edhe mijëra. … Nisur nga dhuna e kësaj ngjarjeje”.
Ai tha se ishte jashtëzakonisht e vështirë për të marrë një numër të saktë të viktimave, pasi ishulli i Oqeanit Indian u godit nga cikloni intensiv tropikal të shtunën, duke shkaktuar shkatërrim të gjerë.
Ministria e Brendshme franceze konfirmoi të paktën 11 vdekje dhe më shumë se 250 të plagosur në Mayotte, por tha se numri pritej të rritet ndjeshëm.
Komunitete të tëra u rrafshuan kur cikloni Chido arriti në tokë, duke shkaktuar erëra prej më shumë se 225 km/h (140 mph).
Presidenti francez Emmanuel Macron tha më herët se Franca “do të jetë prezente” për njerëzit e Mayotte dhe se po dërgonte 250 punëtorë shpëtimi.
E vendosur në veri-perëndim të Madagaskarit, Mayotte është një arkipelag i përbërë nga një ishull kryesor, Grand-Terre, dhe disa më të vegjël.
Shumica e rreth 300,000 banorëve të ishullit jetojnë në kasolle me çati prej llamarine dhe dhjetëra mijëra njerëz kanë humbur shtëpitë e tyre. Lidhjet e energjisë elektrike, ujit dhe internetit janë të gjitha të ndërprera.
Ndërkohë qeveria në Paris ka dërguar një aeroplan transporti ushtarak me furnizime dhe punonjës urgjence./Opinion.al
