Gjykata e posaçme kundër Korrupsionit dhe Krimit të Organizuar ka caktuar ditën e sotme ndaj Ardian Doçajt masën e sigurisë ‘detyrim paraqitje’ .
Ndryshimi i masës së sigurisë ka ardhur pas kërkesës së avokatit Tonin Prendi për lirimin e klientit të tij.
Ardian Doçaj dyshohet për pengmarrjen e Jan Pregës. Ai është vetëdorëzuar pranë autoriteteve, 19 ditë pas pengmarrjes, ndërkohë që një ditë me parë Operacioni “Forca e Ligjit” i sekuestroi pasuritë në Shkodër. Doçaj u vetëdorëzua në pikën kufitare të Hanit të Hotit, teksa udhëtoi nga Vjena në drejtim të Podgoricës.
Kujtojmë se Jan Prenga u rrëmbye në Kamëz më 17 Janar 2020, ndërsa më 5 shkurt 2020 Doçaj sapo mbërriti nga Vjena u vu në prangat e policisë.
Prej më shumë se një viti trupi i Jan Prengës nuk është gjetur ende ndërsa policia ndër emrat e dyshuar për rrëmbimin dhe vrasjen e tij ka edhe pjesëtarë të familjes Hajri./Opinion.al
