Dyshohet se ajo që ka ndodhur dy ditë më parë në Landfilin e Sharrës mund të jetë një pakujdesi në punë e drejtuesit të eskavatorit që merret me përpunimin e mbetjeve urbane. Sipas raportimeve më të të fundit, drejtuesi i eskavatorit, me të cilin dyshohet se është aksidentuar 17 vjeçari Ardit Gjoklaj. është konstatuar që nuk ka leje drejtimi për mjete të tilla.
Trupi i pajetë i 17 vjeçarit, banor i Kombinatit u gjet dje në orën 14:30, tek Landfilldi i Sharrës, në grumbullin e mbeturinave. Viktima ishte punonjës sezonal në landfill, i pa regjistruar tek firma “3K SH.P.K” dhe dyshohet se është aksidentuar për vdekje nga një mjet tip “Eskavator me kova”, gjatë punës.
Ndërkohë që Policia e Tiranës ka vënë në pranga 4 punonjës të firmës së pastrimit, pas vdekjes së 17-vjeçarit Ardit Gjoklaj, trupi i pajetë i të cilit u gjet dje në landfillin e Sharrës.
Sipas burimeve zyrtare në pranga janë vënë shtetasit:
1 Besnik Braha, 53 vjeç, banues në Tiranë, me detyrw përgjegjës firme
2 Edmond Kollari, 40 vjeç, banues në Tiranë, drejtues eskavatori
3 Dëfrim Hakrama, 44 vjeç banues në Tiranë, përgjegjws turni
4 Bujar Daja, 45 vjeç, banues në Kavajë, përgjegjës i punonjësve.
Gjithashtu po punohet për kapjen e shtetasit E.T., 48 vjeç, banues në Peqin, administrator i firmës “3 K SH.P.K”.
Materialet procedurale iu referuan Prokurorisë pranë Gjykatës së Shkallës Parë Tiranë për veprën penale “Shkelje të rregullave të mbrojtjes në punë” për shtetasit Besnik Braha, Dëfrim Hakrama, Bujar Daja, E.T. si dhe për veprat penale “Shkelje të rregullave të mbrojtjes në punë” dhe “Drejtim mjeti në mënyrë jo të rregullt” per shtetasin Edmond Kollari, i cili është drejtuesi i eskavatorit, i papajisur me leje drejtimi përkatëse.
