Nikoll Sherniku, Flutura Berisha, njëri pas tjetrit siç duket në këto pamje u futën në Gjykatën e Lezhës, ku iu caktua masa e sigurisë “Arrest në burg” pa afat me dyshimet se dy ditë më parë do të kryenin atentat në Shëngjin.
Sherniku, i cili është person nën hetim për vrasjen e policit Xhulio Prela në 2020 dhe duhet të ishte në “Arrest shtëpie” e kishte thyer atë. Ai kap në flagrancë teksa po qëndronte në një makinë tip “Toyota” të blinduar pranë një pallati në Kune të Shëngjinit bashkë me 34-vjeçaren Flutura Berisha dhe 15-vjeçarin.
Të tre këta persona, pasi kanë parë policinë tentuan të largohen me vrap. Gjatë arratisjes së shkurtër, 34-vjeçarja, tentoi të fshihte një armë zjarri tip kallashnikov me fishekë në fole. Ndërkohë nga kontrollet e ushtruara në mjet dhe çantën e 34-vjeçares u gjetën 2 radio si ato të policisë dhe 1 krehër tjetër kallashnikov që dyshohet se do përdoreshin për ngjarje kriminale.
Tv Klan
