Trupi i gjetur i shkrumbuar brenda një makine në Fushë-Krujë, mendohet se i përket një 57 vjeçari nga Kosova, Xhafer Osmani.
Policia e Kosovës ka deklaruar se familjarët e tij e kanë denoncuar se kishte humbur, ndërsa Osmani, rezulton se është futur në Shqipëri në 29 prill 2018.
Policia pohon se mbeten në pritje të rezultateve të ADN-së, për t’i ballafaquar me ato të familjes së tij.
Burime thonë se ngjarja është drejt zbardhjes së plotë, ndërsa gazetari i “Panorama”, Leonidha Musaj, raporton se paraprakisht dyshohet se viktima kishte një lidhje dashurie me një femër në Fushë-Krujë.
