Mesditën e sotme u raportua se një efektiv i policisë së Shkodrës u gjet i mbytur në ujërat e lumit Kir. Trupi i pajetë i 52-vjeçarit Dedë Shkalla, baba i 7 fëmijëve është gjetur nga banorët e zonës në rrethana misterioze.
Dyshimet e para janë se 52-vjeçari me detyrë punonjës i sallës operative i ka dhënë fund jetës duke u mbytur në lumë. Deri më tani policia nuk jep asnjë të dhënë për ngjarjen dhe shkaqet që mund ta kenë çuar policin drejt aktit të rëndë.
Ky është rasti i dytë brenda 10 ditësh i vetevrasjeve ne radhet e policise. Në Fier, më 23 Prill vrau veten në ambientet e komisariatit, efektiviti Kastriot Fafaj. Babai i tij, ka deklaruar se i biri vrau veten pasi ishte në depresion për shkak të dokumenteve të shumta që i kerkonin për vettingun në Polici.
