Opinion.al ka mësuar se aksidenti dhe rrahja e biznesmenit libanez, ditën e sotme, mund të jetë e qëllimshme.
Nga burime konfidenciale, mësohet se biznesmeni është aksidentuar në kryqëzimin e Laknasit, teksa udhëtonte drejt Rinasit, jo rastësisht por me qëllimin për ta dhunuar.
Policia ka bërë me dije se ka qenë një mjet i tipit “Volksëagen” që ka aksidentuar “Mitsubishin” me të cilin udhëtonte biznesmeni F.M. dhe një shtetas tjetër, E.M.
Mirëpo, ka dyshime të forta se agresorët e kanë ndjekur biznesmenin dhe e kanë aksidentuar për ta ndaluar.
Më pas, pas aksidentimit, drejtuesi i mjetit “Volksëagen” së bashku me shoqëruesit e tij, e kanë rrahur biznesmenin, i cili më pas është transportuar në spital.
Policia është duke hetuar për shkaqet e konfliktit dhe ka shoqëruar disa persona. Biznesmeni libanez është i angazhuar në fushën e ndërtimit dhe është duke ndërtuar fshatra turistikë në Gjirin e Lalzit.
