Forcat gjermane të anti-terrorit arrestuan 3 sirianë, të cilët dyshohen se ishin dërguar në Gjermani nga Shteti Islamik, me qëillm kryerjen e atentateve terroriste.
Të arrestuarit janë 3 të rinj të moshave 17, 18 dhe 26 vjeç, identitetet e të cilëve për momentin u mbajtën sekret. Gjatë arrestimit të tyre policia sekuestroi edhe materiale te cilësuara si të dyshimta.
Këto zhvillime vijnë 2 ditë pasi ministri i brendshëm gjerman, Tomas de Mezier, ngriti alarmin se në Gjermani kanë hyrë mbi 500 militantë të ISIS, të gatshëm për të marrë urdhra apo të veprojnë si “ujqër të vetmuar”.
Autoritetet vendase bënë të ditur se 3 të arrestuarit kishin hyrë në Gjermani me valën e emigrantëve, në nëntor të 2015-ës, dhe ishin në pritje të urdhërave nga Siria.
Rreziku nga infiltrimi i terroristëve mes rradhëve të emigrantëve është bërë mollë sherri në Bruksel.
Ministri i Jashtëm i Luksemburgut, Jean Asselborn, tha se Hungaria duhet të përjashtohet nga BE, pasi ka thyer vlerat themelore të unionit, duke bllokuar kufijtë dhe mospranuar kuotën e strehimit të emigrantëve.
