Ambasada ruse në SHBA ka kritikuar ato që i quan “deklarata provokuese” nga zyrtari i qeverisë amerikane Ned Price, i cili të martën paralajmëroi se Rusia mund të përdorë armë kimike në Ukrainë.
“Ne jemi të shqetësuar, siç e kemi thënë më parë, se Rusia mund të kërkojë të përdorë armë kimike”, tha Price gjatë një konference për shtyp, transmeton transmetuesi publik amerikan PBS.
Ambasada ruse i quan komentet “boshe” dhe “të pa mbështetura në prova”.
Po ashtu Rusia kritikon referencat për dështimet ushtarake dhe strategjike të pushtimit rus.
Ambasada thotë se forcat e armatosura të Rusisë kanë “kryer me sukses detyrat e vendosura para tyre” në Ukrainë.
SHBA dhe Britania e Madhe thanë dje se po shqyrtojnë raportet për përdorimin e armëve kimike nga forcat ruse që sulmojnë portin ukrainas të Mariupolit./Opinion.al
