Që prej kësaj të hëne, Nitin Sandesara i shumëkërkuar në vendin e tij për pastrimin e rreth 1 miliard dollarëve, nuk do të jetë më Konsull Nderi i Shqipërisë në Nigeri.
Pas zbulimit të fakteve të reja që dolën në dritë nga arrestimi i njërit prej bashkëpunëtorëve teksa po dilte nga Shqipëria përmes aeroportit, Ministria e Jashtme njoftoi ndërprerjen e mandatit të Nitin Sandesarës.
Por dy vëllezërit indian arritën të largohen nga vendi. Sipas gazetares Klodiana Lala, dy vëllezërit Sandesara janë larguar me një avion privat nga Rinasi ditën që u arrestua Hitesh Patel
Sipas saj për të kur janë larguar nuk ka pasur urdhër ndalimi, ndërsa kunati i tyre ishte në listën e Interpol. Gazetarja tregoi se autoritetet kanë pak informacion se ku kanë qëndruar ata në Shqipëri .
Nga ana tjetër gazetari Artan Hoxha thotë se me anë të parave ata kanë arritur të marrin pasaporta shqiptare duke anashkaluar gjithë autoritetet./Opinion.al
