Një ngjarje e pazakontë ka ndodhur në aeroportin e Rinasit ku dy vajza të reja janë konfliktuar deri në dhunë fizike me njëra tjetrën.
Lajmi bëhet i ditur nga burime zyrtare të policisë, e cila ka dërguar për hetim në prokurori 19-vjeçaren me inicialet H. D., me banim në Francë.
Hetimi i saj ka nisur pasi në ambientet e terminalit të aeroportit të Rinasit është përfshirë në një sherr me grushte me një vajzë shqiptare 20-vjeçare me inicialet K. D.
Kjo e fundit mësohet se ka bërë një kallëzim penal pranë Komisariatit të Policisë Rinas.
Pas marrjes së denoncimit policia ka dërguar çështjen në prokurori.
