Atentati me dy të vrarë në Vlorë dyshohet se ka ndodhur për shkak të pazareve të drogës mes dy grupeve kriminale.
Sipas News24, kjo është pista ku po hetohet nga autoritetet.
Ngjarja ndodhi në orët e para të mëngjesit të sotëm në autostradën Fier-Vlorë, pranë mbikalimit të Panajasë, ku autorët kanë qëlluar me breshëri kallashnikovi nga një automjet në drejtim të makinës ku po lëviznin dy viktimat.
Dyshohet se në krim kanë marrë pjesë tre persona, një në rolin e shoferit dhe dy të tjerë kanë qëlluar me armë.
Ndërkohë si pasojë e breshërisë së plumbave mjeti ka përfunduar në një kanal anës rrugës.
Ndërkaq vetëm pak minuta më pas në Frakull të Fierit është gjetur një makinë e djegur që dyshohet se u përket autorëve.
Në vendngjarje kanë shkuar forcat e policisë dhe kanë nisur hetimet për të zbardhur dinamikën e atentatit.
