Dy të vrarë brenda pak orësh në Shkodër dhe Korçë. Ngjarja e parë është raportuar në një fshat në të Shkodrës. Genc Mhillaj, 47 vjeç, banues në Torovicë (Lezhë) u vra sot paradite me plumb në kokë në fshatin Mali i Jushit në Shkodër. Në njoftimin e parë për shtyp lidhur me këtë ngjarje, policia thotë se “në orën 11:00 është marrë njoftim se te ura në fshatin Mali Jushit ka të shtëna me armë zjarri. Menjëherë në vendngjarje kanë mbërritur shërbimet policore të cilët kanë konstatuar se ka mbetur i vrarë shtetasi Genc Mëhillaj”. Burimet thanë se viktima është qëlluar me plumb në kokë, u transportua për në spital por nuk mbijetoi. “Janë ngritur pika kontrolli si dhe po bëhet krehja e zonës”, thotë policia.
Ndërsa në fshatin Vreshtas të Korçës është vrarë Besnik Bazelli. Policia thotë se viktima u përfshi në një sherr të dhunshëm me fqinjin dhe vdiq rrugës për në spital.
Viktima dhe autori janë konfliktuar për motive banale në qendër të fshatit Vreshtas dhe më pas sherri ka vijuar edhe me përplasje fizike. Autori, K. Lika, 28 vjeç është ndaluar nga autoritetet policore.
Nga të dhënat paraprake dyshohet se ky shtetas në qendër të fshatit Vreshtas, është konfliktuar fizikisht për motive të dobëta me bashkëfshatarin e tij shtetasin K. Lika, 28 vjeç, ku si pasojë e dëmtimeve trupore të marra, shtetasi B.M gjatë rrugës për në Spital, ka ndërruar jetë. Autori i dyshuar i ngjarjes ndodhet i shoqëruar nga shërbimet e Policisë. Grupi hetimor po punon për zbardhjen e plotë të rrethanave të ngjarjes.
