Të rinjtë shqiptarë Marjus Djerri e Admir Bukrina, dy nga 43 viktimat e tragjedisë së shembjes së urës Morandi në Genova janë bekuar gjatë ceremonisë së varrimit nga imami i Genovas Salah Hussein.
“Genova në gjuhën arabe do të thotë e bukur”, këto janë fjalët e imamit të Genovas në ceremoninë solemne të varrimit të viktimave të shembjes së urës Morandi, mbajtur dje në Genova në prani të personaliteteve më të larta të shtetit italian.
Imami i Genovas ndodhej në këtë ceremoni për t’i dhënë bekimin e fundit dy viktimave shqiptare Marjus Djerri e Admir Bukrina.
“Komuniteti mysliman është pranë jush-u shpreh Imami i Genovas-e i lutemi Zotit që me urën e parë të krijuar nga ai, lidhi mashkullin me femrën, të na bëj të vetëdijshëm për përgjegjësitë tona”.
Fjalët e imamit të Genovas u pritën me një duatrokitje të fortë nga të gjithë të pranishmit në këtë ceremoni.
