Dy shpërthime me bombë kanë tronditur Jeruzalemin mëngjesin e kësaj të mërkure duke vrarë një 16-vjeçar dhe duke plagosur 14 të tjerë në një sulm të dyshuar terrorist.
Sipas policisë izraelite, shpërthimi i parë ndodhi në një stacion autobusi pranë hyrjes së Jerusalemit në orën 7:06 të mëngjesit, duke plagosur të paktën 11 persona, përfshirë adoleshentin që vdiq më vonë.
Ndërkohë, shpërthimi i dytë pothuajse gjysmë ore më vonë ndodhi në kryqëzimin Ramot të qytetit, në orën 7:30 të mëngjesit, nga i cili tre persona morën lëndime të lehta.
Hetimet fillestare treguan se mjete shpërthyese ishin vendosur në të dy vendet e shpërthimit, ndërsa vijojnë kërkimet për të dyshuarit./Opinion.al
