Gjatë tremujorit të parë të vitit 2019, Dibra dhe Kukësi kanë marrë vetëm nga një leje ndërtimi.
Në qytetin e Dibrës në tremujorin e vitit të shkuar janë dhënë 7 leje për ndërtime të reja, ndërsa Kukësi, në fakt, ka pësuar “rritje”, duke kaluar nga zero ndërtime të reja, në një ndërtim të ri.
Sidoqoftë të dyja qytetet kanë numrin më të ulët të ndërtimeve të reja, ndërsa kryeqyteti ka pasur numrin më të lartë, me 94 leje, duke u diferencuar ndjeshëm nga çdo qytet tjetër.
Në vend të dytë është Durrësi, me 26 ndërtime të reja, e ndjekur nga Lezha dhe Elbasani me përkatësisht 24 ndërtime të reja dhe më pas Fieri, me 20 ndërtime të reja.
Kujtojmë se Kukësi është renditur nga Instat si një nga qarqet më të varfëra të vendit, ndërsa Dibra si një nga qarqet me numrin më të lartë të të papunësuarëve./Opinion.al
