Një shofer taksie është plagosur me armë zjarri të martën në fshatin Palasë të Himarës.
Burimet nga policia thanë se ngjarja ka ndodhur në aksin rrugor Himarë – Llogara, ku është qëlluar me armë shtetasi me iniciale B.G, 70 vjeç.
Policia sqaron se autorë të ngjarjes janë dy shtetas, të cilët ishin në pjesën e pasagjerit.
“Shërbimet e Policisë shkuan menjëherë pranë vendit të ngjarjes dhe kanë konstatuar se në fshatin Palasë shtetasi B.G., 70 vjeç, (shofer taxie), është qëlluar me armë zjarri dhe ka mbetur i plagosur në krahë prej dy shtetasve të tjerë të cilët ishin pasagjer. Shtetasi B.G., është transportuar në Spital për të marrë mjekimin e nevojshëm, aktualisht jashtë rrezikut për jetën”, thuhet në njoftim.
Policia ka ngritur pika të shumta kontrolli me qëllim kapjen e autorëve.
Grupi hetimor po punon për zbardhjen e plotë të rrethanave të ngjarjes
