Vajzat e “Spice Girls” thuajse në çdo intervistë kanë pohuar se ndajnë me njëra tjetrën një sërë sekretesh, njëri prej të cilëve është zbuluar nga Mel B dhe po bën xhiron e të gjithë mediave rozë.
Në një intervistë për Piers Morgan, një nga anëtaret e ish-grupit, Mel B zbuloi se ajo dhe shoqja e saj, Geri Halliwell kanë kryer marrëdhënie seksuale bashkë gjatë kohës kur grupi i tyre ishte në kulmin e famës.
“Ajo do të më urrejë për këtë, sepse është një femër me klas në vendlindjen e saj dhe në atë të bashkëshortit. Ky është një fakt. Ne ishim shoqe të ngushta ato kohë. Thjesht ndodhi”, tregoi Mel B.
Biseksualja Mel, 43 vjeç, tregoi historinë duke e quajtur një gjë krejt normale: “Ne ishim shoqe të ngushta. Kjo thjesht ndodhi. E keni bërë ndonjëherë këtë? ”
Geri ende nuk ka bërë asnjë koment për zbulimin, por të gjithë po e presin me padurim përgjigjen e saj, ndërkaq ajo që dihet me siguri është se deklarata e saj rrezikon bashkimin e Spice Girls , që ishte planifikuar për këtë verë. Gjithashtu zbulimi i ‘bombës’ së Mel mund të inatosë bashkëshortin milioner të shoqes së saj./Opinion.al
