Kombëtarja shqiptare e 19-vjeçarëve, do të luaje dy ndeshje miqësore ndaj Bullgarisë në transfertë, më 6 dhe 9 qershor.
Kuqezinjtë e Julian Ahmatajt kanë nisur grumbullimin, ndërsa trajneri ka zbuluar edhe futbollistët që janë ftuar për këto dy takime.
Nga 20 futbollistët e grumbulluar, 14 luajnë në klube jashtë vendit, ndërsa pjesa tjetër janë në kampionatin shqiptar.
Takimi i parë Bullgari-Shqipëri do të luhet më 6 qershor në orën 18:00, ndërsa ndeshja e dytë është planifikuar më 9 qershor në orën 10:00. Të dyja ndeshjet do të zhvillohen në stadiumin “Chavdar Stadium”.
Trajneri Julian Ahmataj dhe stafi teknik i ekipit kombëtar U-19 do të kenë mundësinë të testojnë dhe të shohin gjendjen aktuale të skuadrës në këto dy takime të rëndësishme.
