Në fillim ju tha që do të merrnin 2 milion euro, para të premtuara nga Federata. Më pas me të mbërritur në Shqipëri, pas fitores me Armeninë, Kryeministri ju tha se do ju jepte 1 milion euro shpërblim. Në llogarinë e futbollistëve 2 milion të Federatës dhe 1 milion euro të qeverisë llogjikisht bënin 3 milion euro. Por tani kanë mësuar se në fakt janë vetëm 2 milion euro shpërblim që do të marrin, pasi Federata do të japë vetëm 1 milion euro shpërblim. Ky është rebusi që ka çuar në pakënaqësinë e futbollistëve të Kombëtares të cilët kanë kërkuar shpjegime nga Federata Shqiptare e Futbollit. E cila nga ana e saj ka shpjeguar se në 2 milion eurot e shpërblimit ishin të përfshira edhe 1 milion të qeverisë.
