Një grup deputetësh të Parlamentit Europian kanë propozuar kryeministrat e Greqisë dhe të Maqedonisë së Veriut për të fituar çmimin Nobel të Paqes.
Janë 33 eurodeputetë nga 16 vende të ndryshme të Bashkimit Europian që i kanë shkruar Akademisë së Nobelit për të vlerësuar dy kryeministrat e Ballkanit, Alexis Tsipras dhe Zoran Zaev, pas arritjes Marrëveshjes së Prespës. Deputetët propozues i përkasin grupeve të ndryshme politike në Parlamentin Europian, që nga të gjelbrit, socialistët, konservatorët dhe liberalët.
Një tjetër kandidate për çmimin Nobel të Paqes është Greta Thunberg, aktivistja 16-vjeçare suedeze e cila udhëhoqi protestat e nxënësve në mbarë botën për mbrojtjen e klimës./Opinion.al
