Humbjet me Teutën dhe më herët me Tiranën i kanë kushtuar rëndë Armando Cungut, i cili nuk do të drejtojë më Kukësin. Sipas RTSH Sport, trajneri shkodran do të largohet nga drejtimi i ekipit verior.
Gjithçka pritet të zyrtarizohet në seancën stërvitore të ditës së dielë, ku Cungu nuk do të jetë prezent. Me shumë gjasa stoli do t’i besohet Ramadan Ndreut.
Aktualisht Kukësi ndodhet në vendin e tretë në renditje, me 38 pikë, një më pak se Teuta e vendit të dytë. Renditjen e Superligës e kryeson Partizani me 46 pikë.
