Janë zbardhur disa nga diskutimet në mbledhjen e Grupit Parlamentar të PD-së. Deputeti i Partisë Demokratike, Ferdinand Xhaferraj ka propozuar në mbledhjen e sotme emrin e Leonard Demit si kandidat për President.
Ndërkohë deputeti Flamur Hoxha ka propozuar emrin e Arben Çejkut, ish-ambasador i Shqipërisë në Maqedoni.
Mbledhja e sotme e Grupit Parlamentar të PD-së vjen pas konsensusit të ditës së djeshme me mazhorancën se në dy raundet e ardhshme të procesit të zgjedhjes së Presidentit të ri do jetë opozita ajo që do propozojë kandidaturat.
