Kryesore

Dy aleatë nga lista e PD-së në Tiranë pranojnë mandatin


Bëhu pjesë e Grupit Zyrtar të Opinion.al
>> KËTU <<
               Publikuar në : 17:48 - 10/05/19 |
b.f

Dy kandidatët e Partisë Demokratike në listën e Tiranës kanë dorëzuar sot formularët e dekriminalizimit në Komisionin Qendror të Zgjedhjeve, duke pranuar kështu të marrin mandatin.

Ata janë Selami Jenishehri, i renditur i 46-ti në listën e PD-së në Tiranë dhe Besnik Troplini, i 48-ti.

Sipas jetëshkrimit që ka dorëzuar në KQZ, Selami Jenishehri ka lindur në Shkodër më 22.01.1942 dhe është me profesion mësues matematike-fizike. Ai është kryetar i Bashkimit Popullor të Pensionistëve të Shqipërisë.

Nga ana tjetër, Besnik Troplini ka lindur më 19.05.1961 në Tiranë. Si eksperienca pune ai rendit drejtimin e departamentit të shërbimeve mbështetëse të Institutit të Ndërtimit në Tiranë, ndërsa thotë se ka marrë pjesë në disa fushata politike dhe administrative të Partisë Balli Kombëtar Demokrat./Opinion.al

Pas