Rreth një muaj na ndan nga premiera e sezonit të fundit të serialit të njohur “Game of Thrones” , ndërkohë që protagonistët e saj janë mjaft aktiv sa i përket intervistave. Në kopertinën e “Glamour UK” këtë herë janë aktoret që interpretojnë motrat Stark, Sansa dhe Arya.
Dy aktoret Sophie Turner 23 vjeç dhe Maisie Williams 21 vjeç janë shprehur rreth marrëdhënies së afërt që kanë në jetën reale si dhe për prapaskenat e realizimit të serialit. Ato kanë thënë se shpesh kur kishin skena të përbashkëta afroheshin për tu puthur në buzë duke ‘I trembur’ kolegët e tyre dhe duke dashur të dilnin nga skenari për t’u argëtuar me njëra-tjetrën.
Ndonëse Sophie është e fejuar me këngëtarin Joe Jones, thekson se shpesh njerëzit mendonin se ajo dhe kolegia e saj në film ishin çift. Gjithashtu 23-vjeçarja u shpreh se është vërtetë e ‘fiksuar’ me kolegen e saj dhe kontrollon çdo gjë që ka të bëjë me të.
“Të gjithë na shikonin të frikësuar mos ndryshonim skenarin dhe putheshim,”-u shpreh Turner. Dy aktoret e njohura rrëfyen gjithashtu se janë dy mbrojtëset më të mëdha të njëra-tjetrës në çdo gjë që mund të ndodhte në setin e xhirimit.
Ndërkohë Williams u shpreh: “Sophie di aq shumë gjëra për mua, sa është e vështirë të mos e quaj shoqe. Ajo më ka ndihmuar shumë me ndarjet që kam patur gjithashtu edhe zhgënjimet në shoqëri. Sa herë që mua më duhet ndihmë ajo është aty për mua,”-përfundon 21-vjeçarja.
“Game of Thrones” do të ketë premierën e sezonit të 8-të dhe të fundit më 14 prill./Xh.K/Opinion.al/
