Dy aksidente janë regjistruar brenda pak minutash në Durrës dhe Elbasan. Sipas uniformave blu, njëri nga aksidentet ka ndodhur në rrugën në drejtim të Spitallës në Durrës, ku një automjet tip “Ford” që drejtohej nga T. Q., 25 vjeçe është përplasur me trafikndarësen.
Mësohet se 25-vjeçarja është dërguar në spital dhe ndodhet nën kujdesin e mjekëve jashtë rrezikut për jetën, ndërkohë që po punohet për zbardhjen e shkaqeve të aksidentit.
“Me datë 18.11.2021, rreth orës 17:05, në aksin rrugor në drejtim të Spitallës, mjeti tip “Ford”, me drejtues shtetasen T. Q., 25 vjeçe, ka humbur kontrollin e mjetit duke u përplasur me trafikndarësen.
Drejtuesja e mjetit ndodhet nën kujdesin e mjekëve, pa probleme për jetën. Grupi hetimor ndodhet në vendngjarje dhe po punon për sqarimin e rrethanave të ngjarjes”,-njofton policia.
Në po të njëjtën orë ka ndodhur edhe aksidenti tjetër, i cili është regjistruar në aksin Elbasan- Tiranë, ku një automjet tip “Benz” ka dalë nga rruga. Drejtuesi ka pësuar dëmtime të lehta, por pa pasoja për jetën.
“Me datë 18.11.2021, rreth orës 17:00, në aksin rrugorë Elbasan – Tiranë, shtetasi M. H., 25 vjeç, duke drejtuar mjetin tip “Benz”, dyshohet se ka humbur kontrollin e drejtimit të mjetit dhe për pasojë mjeti ka dalë nga rruga. Drejtuesi i mjetit ndodhet në spital, jashtë rrezikut për jetën. Grupi hetimor është në vendngjarje dhe po punon për sqarimin e rrethanave dhe shkakut të aksidentit”,-bën me dije policia./Opinion.al
