Dy aksidente janë regjistruar për 20 minuta në kryeqytet. Policia bën me dije se rreth orës 13:55, në rrugën “Jordan Misja” mjeti kamion me drejtues E. K., ka aksidentuar shtetasin me inicialet G. R., rreth 60 vjeç, i cili ndodhet në spital, nën kujdesin e mjekëve.
Ndërsa aksidenti i dytë ka ndodhur rreth orës 14:15 , tek rreth-rrotullimi i “Komunës Parisit”. Mjeti me drejtuese shtetasen S. P., 36 vjeçe, ka aksidentuar një fëmijë me iniciale E. Dh., rreth 8 vjeç, i cili ndodhet në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjeve./Opinion.al
