Dy aksidente u shënuan pasditen e kësaj të diele në rrugët e vendit, me 4 persona të plagosur. Aksidenti i parë ndodhi tek Uji i Ftohtë në Vlorë, ku një automjet përplasi makinën e policisë dhe për pasojë mbeti i plagosur, jashtë rrezikut për jetën efektivi i policisë.
Disa minuta më pas u raportua një tjetër aksident, kësaj radhe në Pogradec, ku të plagosura kanë mbetur 3 vajza. Policia raporti se janë përplasur dy mjete që drejtoheshin nga shtetasit me iniciale XH. M., 24 vjeç dhe N.B., 22 vjeç. Sakaq të plagosurat janë vajza (pasagjere) me inicialet: A.B, 26 vjeçe, S. A, 27 vjeçe dhe M. T, 28 vjeçe, të cilat janë dërguar menjëherë në spitalin e Pogradecit.
Policia ka shoqëruar në komisariat drejtuesin e njërit prej automjeteve, XH.M., ndërsa po punohet për zbardhjen e plotë të ngjarjes. /Opinion.al
*Foto: Makina e policise e aksidentuar ne Vlore
