Avokati Besnik Muço rezulton zhdukur prej rreth 1 jave. Denoncimi është bërë fillimisht nga bashkëshortja e tij.
Avokati duhet të takonte bashkëshorten në Macerata të Italisë, por kurrë nuk arriti atje. Avokati 54-vjeçar, më 2 nëntor, duhet të hipte në një traget të kompanisë Adrian në Durrës për të shkuar në Macerata, atje ku jeton bashkë me bashkëshorten Raimonda.
Kështu është shprehur kjo e fundit në denoncimin e saj para autoritete italiane, pasi humbi kontaktet me të shoqin.
Trageti në të cilën duhet të hipte Besnik Muço nisej për në Bari.
Që nga 2 nëntori, Rajmonda është shprehur në kallëzimin e saj se nuk ka pasur asnjë kontakt me Beniskun dhe kjo e detyroi që drejtohej autoriteteve për ndihmë javën e shkuar.
Ndërkohë miqtë dhe të njohurit që ka në Shqipëri me të cilët ka komunikuar gruaja, i kanë thënë se nuk kanë dijeni për vendndodhjen e avokatit 54-vjeçar, rapotojnë mediat italiane.
Vëllai i avokatit Besnik Muça që prej disa kohësh punonte në Tiranë si avokat i lirë, ka denoncuar në policinë e Durrësit zhdukjen e tij që prej mbrëmjes së 2 nëntorit. Polica e Durrësit siç raporotn për “BW” gazetarja Klodjana Haxhiaj ka nisur hetimet për këtë rast.
Sipas burimeve nga policia e Durrësit, në sistemin TIMS rezulton se avokati Muça ka bërë check in në portin e Durrësit, por nuk dihet me saktësi ku mund të jetë zhdukur.
Autoritetet shqiptare nuk e përjashtojnë mundësinë që ai të jetë zhdukur në tragetin e linjës Durrës- Bari, ashtu siç shkruajnë mediat italiane ndërsa shtojnë se ka mundësi që edhe të mos ketë hipur fare në traget.
