Një 29-vjeçar është arrestuar nga policia e Durrësit, pasi tentoi që të grabiste një banesë në lagjen Nr.2 të këtij qyteti. Polica njofton se i riu u arrestua pas informacioneve të dhënë nga qytetarët, ndërsa kur policia e kapi në flagrancë, 29-vjeçari ka tentuar të godas me thikë një nga efektivët.
I arrestuari është identifikuar me inicialet O.T. dhe sipas policisë, ai rezulton me precedent penal të mëparshëm për akuzën “vjedhje të pasurisë”. Ndërkohë, është vërtetuar që i riu më datë 27.09.2019 ka vjedhur një tjetër banesë në lagjen Nr.15 të Durrësit.
Njoftimi i policisë
Policia e Durrësit falë bashkëpunimit me qytetarët parandalon rastin e vjedhjes së një banese duke vënë në pranga autorin.
Gjatë kapjes në flagrancë autori ka tentuar të godasë me mjet prerës punonjësin e policisë, por është neutralizuar nga efektivet e Policisë.
Arrestohet 29 vjeçari, me precedent të mëparshëm penal në fushën e vjedhjes së pasurisë.
Patrulla e Përgjithshme në bashkëpunim me Specialistët për Hetimin e Krimeve në Komisariatin e Policisë Durrës, kanë bërë të mundur parandalimin e vjedhjes së banesës së shtetasit Sh.Gj në lagjen Nr.2 në Durrës.
Falë informacionit të marrë nga qytetarët dhe reagimit të shpejtë të punonjësve të rendit është mundësuar kapja në flagrancë e autorit dhe neutralizimi i tij, ku gjatë ndalimit ka tentuar të godasë me mjet prerës njërin prej punonjësve të policisë
Ndërhyrja me profesionalizëm ka bërë neutralizimin dhe prangosjen e shtetasi O.T., 29 vjeç, banues në Durrës
Gjithashtu, është dokumentuar me prova shkencore se shtetasi i mësipërm dyshohet se më datë 27.09.2019, në lagjen Nr.15 ka vjedhur banesën e shtetasit A.L.
Gjatë kontrollit fizik i është gjetur dhe sekuestruar në cilësinë e provave materiale një mjet prerës (thikë) dhe gërshërë .
Policia e Durrësit falënderon dhe fton çdo qytetar që për informacione që disponojnë dhe janë më interes të uniformave blu, në vijim të rritjes së sigurisë së tyre të telefonojë në numrat 112 dhe 129 dhe reagimi do të jetë mjaft i shpejtë dhe profesional./ Opinion.al E.Xh.
