Shqipëria votoi sot për të zgjedhur Parlamentin e ri! Komisioni Qendror i Zgjedhjeve shtyu me 60 minuta procesin e votimit në vend. Me 6 vota pro dhe LSI qe doli kundër, vendimi u miratua dhe qendrat e votimit u mbyllën në orën 20:00.
Në qytetin e Durrësit numërimi i votave në 4 KZAZ, do të nisë në orën 5 të mëngjesit. Mësohet se komisionarët e forcave politike në vend kanë shfaqur shenja lodhje dhe kanë kërkuar shtyrje e fillimit të numërimet. Gjithashtu mësohet se dy forcat PS dhe PD kanë bërë një mes tyre që numërimi të nisë në mëngjes.
Dorëzimi i kutive
Pas orës 19:00 në disa qendra votimi në vend nuk u zbatua vendimi i Komisionit Qendror të Zgjedhjeve. Në Shkodër, në Fier, në Gjirokastër dhe në Dibër disa qendra dorëzuan kutitë. Teksa KQZ i bëri apel komisionereve te mos largoheshin dhe te qendronin ne detyre deri ne oren 20:00.
Trembëdhjetë ora nga hapja e qendrave të votimit, Komisioni Qendor i Zgjedhjeve ka raprtuar zyrtarisht të dhënat e fundit lidhur me përqindjen e pjesëmarrjes në zgjedhje në rang vendi dhe sipas qarqeve. Numerimi i tre kutive te para ka nisur ne Pustec te Korces rreth ores 22:30.
