Janë sekuestruar dhjetra doza kanabisi në Durrës gjatë një aksioni të policisë të koduar “Dozat”, ku u arrestua një 21-vjeçar dhe u procedua në gjendje të lirë një tjetër.
Uniformat blu ndaluan një automjet që drejtohej nga 21-vjeçari me iniciale R.L. dhe ku pasagjer ishte 21-vjeçari tjetër me iniciale F.L.
Gjatë kontrolleve në makinën dhe shtëpinë e 21-vjeçarit R.L., u gjetën dhe sekuestruan dhjetëra doza lënde të dyshuar narkotike kanabis.
Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
