Dy persona janë arrestuar nga policia e Durrësit pasi akuzohen për shitje të lëndëve narkotike.
Policia njofton se ka sekuestruar 1.3 kg marjuanë në formë çokollate. Lënda narkotike u gjend gjatë kontrollit nga ana e uniformave blu në mjetin tip Benz, në sedilen e pasme të mjetit, me drejtues shtetasin R.S., dhe pasagjer shtetasin E.J.
Mësohet se në pranga kanë rënë Romi Seferi 21 vjeç dhe një 17 vjeçar. Gjithashtu gjatë kontrollit të kryer në banesën e shtetasit R.S., u gjetën dhe sekuestruar rreth 16 gr lëndë narkotike e llojit marjuanë.
Njoftimi i Policisë
Shpërndanin lëndë narkotike marjuanë në formë çokollate.
Arrestohen në flagrancë dy shtetas.
Në vijim të punës për parandalimin, evidentimin dhe goditjen e veprimtarisë kriminale në fushën e prodhimit dhe shitjes së lëndëve narkotike, shërbimet e Drejtorisë Vendore të Policisë Durrës, pas informacioneve të marra se një shtetas dispononte lëndë narkotike, menjëherë kanë organizuar punën duke arrestuar në flagrancë shtetasit:
R.S., 21 vjeç, banues në Tiranë;
E.J., 17 vjeç, banues në Tiranë.
Në Plepa, Durrës gjatë kontrollit të kryer nga ana e uniformave blu në mjetin tip Benz, në sedilen e pasme të mjetit, me drejtues shtetasin R.S., dhe pasagjer shtetasin E.J., u gjetën dhe sekuestruar në cilësinë e provave materiale:
rreth 1 kg e 400 gr lëndë narkotike e dyshuar e llojit marjuanë në formë çokollate.
mjeti tip Benz;
vlera monetare.
Gjihashtu gjatë kontrollit kryer në banesën e shtetasit R.S., u gjetën dhe sekuestruar rreth 16 gr lëndë narkotike e llojit marjuanë.
Materialet do t’i kalojnë Prokurorisë Pranë Gjykatës së Shkallës së Parë Durrës, për veprën penale “Prodhimi dhe shitja e narkotikëve” e kryer në bashkëpunim./ Opinion.al
