Pasditen e sotme një 23-vjeçar ka mbetur i plagosur me thikë në Durrës. Mësohet se autori i dyshuar i kësaj ngjarje është një 20-vjeçar, i cili pas një konflikti të çastit ka plagosur me thikë të riun.
Ngjarja ka ndodhur në lagjen Nr.17 në Durrës, ku 20-vjeçari me iniciale E.H., ka plagosur 23-vjeçarin me iniciale D. S..
Ky i fundit është dërguar me urgjencë në spital dhe ndodhet nën kujdesin e mjekëve, jashtë rrezikut për jetën.
Ndërkohë policia ndodhet në vendngjarje dhe po krehin zonën me qëllim kapjen e autorit.
