Një person ka mbetur i plagosur me armë zjarri mbrëmjen e kaluar në qytetin e Durrësit. Mësohet se i plagosuri i identifikuar me inicialet A.M. është transportuar për në spital dhe ndodhet jashtë rrezikut për jetën.
Ndërkohë, policia njofton se në lidhje me ngjarjen është shpallur në kërkim një 42-vjeçar i identifikuar me inicialet I.I.
Konflikti mes dy personave ka nisur për motive të dobëta duke degjeneruar më pas deri në përdorimin e armës
Njoftimi i policisë
Më datë 02.10.2019, është shpallur në kërkim dhe po punohet për kapjen e shtetasit I.I., 42 vjeç, pasi në lagjen Nr.7, Durrës për motive të dobëta dyshohet se ka plagosur jashtë rrezikut për jetën shtetasin A.M. Materialet i kaluan Prokurorisë së Rrethit Gjyqësor Durrës për veprime të mëtejshme./ Opinion.al E.Xh.
