Një ngjarje e rëndë është regjistruar në Durrës. Sipas Klan News, dyshohet se një vajzë e kanë hedhur nga kati i dytë i një hoteli.
Sipas informacioneve paraprake, shtetasja e huaj është shtyrë nga një mashkull me të cilin ishte në hotelin pranë Prefekturës së qytetit.
Fatmirësisht vajza ka rënë mbi çadrën e lokalit që ndodhej aty pranë dhe ka shpëtuar. Në vendngjarje kanë mbërritur forcat zjarrfikëse që kanë bërë të mundur zbritjen e vajzës nga çadra, ndërsa policia ka arrestuar personin që e ka shtyrë.
