Aktualitet

Durrës/ Me taksi për të blerë kokainë, arrestohen katër persona


Bëhu pjesë e Grupit Zyrtar të Opinion.al
>> KËTU <<
               Publikuar në : 09:09 - 12/05/21 |
Opi Nion

Katër persona janë vënë në pranga ditën e sotme në qytetin bregdetar të Durrësit. Autoritetet bëjnë me dije se 900 gram kokainë është sekuestruar pas një operacioni të koduar “Taksisti”. Në pranga janë vënë Erges Shehi, 30 vjeç; Vilson Memini, 29 vjeç (i dënuar më parë me korrupsion aktiv); Armando Gjoka, 55 vjeç, të tre banues në Durrës  dhe Agron Baci, 52 vjeç, banues në Tiranë.

Agjentët e Hetimit të Narkotikëve kanë marrë një informacion në rrugë operative se Gjoka kishte shkuar në zonën e plazhit në Durrës me mjetin e tij tip taksi, së bashku 52-vjeçarin Baci pasagjer për të blerë një sasi lënde narkotike tek dy persona të tjerë. Për pasojë kanë organizuar edhe aksionin policor.

Në njoftimin zyrtar bëhet me dije se në momentin e konstatimit dhe të ndërhyrjes së Policisë, Shehi dhe Memini të cilët posedonin lëndën narkotike, ndodheshin në një lokal në zonën e plazhit. Sapo kanë vënë re prezencën e agjentëve kanë kundërshtuar me dhunë dhe kanë tentuar të largohen, por janë neutralizuar dhe arrestuar nga Policia gjatë ndjekjes.

Po ashtu gjatë tentativës për t’u larguar, këta shtetas kanë hedhur një pako, e cila më pas u konstatua si kokaina që do të shitej. Në cilësinë e provës materiale u sekuestrua lënda narkotike, automjeti taksi dhe 6 aparate celular.

Materialet i kaluan Prokurorisë pranë Gjykatës së Shkallës së Parë Durrës, për hetime të mëtejshme, për veprën penale “Prodhimi dhe shitja e lëndëve narkotike”, kryer në bashkëpunim/Opinion.al

Pas