Një 27 vjeçar është arrestuar vetëm pak momente më vonë pasi ka tentuar të vjedhë me dhunë një market nën kërcënimin e një pistolete lodër.
Në pranga përfundoi Keni Braçe 27 vjeç, të cilit është sekuestruar edhe pistoleta çakmak, sasia e parave të vjedhura, një maskë kirurgjie dhe doreza.
“Braçe, në lagjen Nr.8 Durrës ka vjedhur me dhunë nën kërcënimin e një pistolete tip çakmak marketin në pronësi të shtetasit S.M”, sqaron policia.
Policia sqaron se i riu kishte arritur të vidhte 79 300 lekë të reja.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhja me dhunë”.
