Një aksident i rëndë ka ndodhur pasditen e sotme në Durrës ku për pasojë ka mbetur i vdekur një 50 vjeçar.
Mësohet se viktima ishte duke udhëtuar me biçikletë në rrugën dytësore në hyrje të Golemit, teksa është përplasur për vdekje nga një automjet tip “Jaguar”.
Forcat e policisë shkuan në vendngjarje duke shoqëruar drejtuesin e automjetit që shkaktoi aksidentin fatal.
Ndërkohë nuk dihet ende identiteti i viktimës dhe shkaqet e këtij aksidenti. Grupi hetimor po punon për zbardhjen e plotë të rrethanave të ngjarjes.
