Policia e Durrësit ka arrestuar dy persona, pasi kërcënuan me thikë një shofer dhe më pas i vodhën xhiron ditore.
Ngjarja ka ndodhur te rrethrrotullimi “Iliria” në Durrës rreth orës 01:00 të mëngjesit të ditës së sotme.
Pasi kishin hipur në taksi, 26-vjeçari Agron Braha ka kërcënuar me thikë shoferin, teksa 29-vjeçarja Viola Bodlli i ka vjedhur lekët që kishte fituar gjatë ditës dhe më pas janë larguar.
Ndërkaq policia bën të ditur se materialet i kanë kaluar Prokurorisë Durrës, për veprime të mëtejshme ligjore.
“Policia vuri në pranga një 26-vjeçar dhe një 29-vjeçare, të cilët kërcënuan taksistin me një thikë dhe i morën një shumë parash. Shërbimet e Policisë, me marrjen e njoftimit se dy shtetas kishin kërcënuar me thikë një drejtues taksie dhe i kishin marrë një shumë parash, menjëherë organizuan punën dhe falë ndërhyrjes së shpejtë dhe profesionale, bënë të mundur identifikimin, kapjen dhe arrestimin e autorëve, konkretisht shtetasit:- A. B., 26 vjeç, banues në Durrës dhe V. B., 29 vjeçe, banuese në Kavajë.”
