Dy të rinjtë Orges Mona dhe Erlind Shehaj kanë dalë sot para gjykatës për tu njohur me masën e sigurisë, pasi u arrestuan për grabitjen e xhiros së një dyqani në Durrës.
Por, Erlind Shehaj ka humbur ndjenjat në ambientet e Gjykatës të Durrësit, dhe si rrjedhojë ka mbërritur ambulanca për ta shoqëruar të riun në spital.
Të rinjtë Shehaj dhe Mona grabitën nën kërcënimin e armës së zjarrit, xhiron ditore prej 15 mijë lekësh të një biznesi në lagjen nr. 15, Durrës, pak ditë më parë.
Të dy të rinjtë rezultojnë se kanë qenë të dënuar më parë për vjedhje dhe për veprimtari kriminale në fushën e narkotikëve.
