Një person është gjetur i pa jetë pasditen e sotme në Durrës. Dyshohet se ai është vrarë me thikë brenda banesës së tij në lagjen nr.12.
Sipas informacioneve, viktima është Valbon Beqiraj 51 vjeç. Ka qenë nipi i viktimës ai i cili lajmëroi më pas policinë.
Nga kqyrja paraprake, dyshohet se viktima nuk ka humbur jetën për shkaqe natyrale, por është goditur me thikë. Viktima është person pa precedent penal.
Ndërkohë, grupi hetimor ka bërë kqyrjen e kamerave të sigurisë në zonë dhe ka identifikuar autorin. Uniformat blu janë vënë në ndjekje të të dyshuarit.
Në vendngjarje ndodhet policia që ka bërë rrethimin e zonës dhe ka nisur hetimet për zbardhjen e dinamikës dhe motiveve të krimit.
