Policia e Durrësit ka gjetur mbrëmjen e djeshme në breg të detit, trupin e pajetë të një moshuare.
Sipas uniformave blu, mbrëmjen e djeshme, në breg të detit, në zonën e Kavalishencës, është gjetur e pajetë, shtetasja F. T., 69 vjeçe, banuese në Tiranë.
Nga hetimet e kryera dyshohet se 69-vjeçarja është mbytur në ujë.
“Mbrëmjen e djeshme, në breg të detit, në zonën e Kavalishencës, është gjetur e pajetë, dyshohet e mbytur në ujë, një shtetase e paidentifikuar në momentin e gjetjes.
Nga verifikimet e kryera pas gjetjes së trupit të pajetë, ka rezultuar se shtetasja e dyshuar e mbytur në ujë, ishte F. T., 69 vjeçe, banuese në Tiranë”, tha policia.
Grupi hetimor vijon punën për dokumentimin e plotë ligjor të kësaj ngjarjeje./Opinion.al
