Një sasi droge u gjet në det nga policia Kufitare e Durrësit dhe Guardia di Finanza. Në njoftim thuhet se janë 64.5 kg kanabis sativa. Droga është gjetur përballë zonës së Kallmit, në një distancë rreth 5 milje nga bregu i detit.
Sipas policisë grupi hetimor në bashkëpunim me Prokurorinë e Krimeve të Rënda vijojnë hetimet për zbulimin e origjinës së lëndës, identifikimin e personave të përfshirë në këtë aktivitet kriminal dhe zbardhjen e plotë të ngjarjes.
Lidhur me këtë sasi droge materialet i kaluan Prokurorisë së Krimeve të Rënda Tiranë për veprime të mëtejshme për veprën penale” Trafikimi i lëndëve narkotike”.
