Kryetari i PD-së, Lulzim Basha ndodhet pranë banorëve të prekur nga tërmeti i së martës. Nga Durrësi, Basha ka mbajtur kontakt me banorët të cilët kanë nevojë për ndihmë, ushqim dhe strehim.
Në një deklaratë për mediat, kryeopozitari shprehu mirënjohje ndaj stafit të spitalit për punën e jashtëzakonshme. Po ashtu, përgëzoi punën e medias për raportimet e dhëna në kohë reale.
“Dua të shpreh mirënjohje për të gjithë personelin e spitali, të cilët janë heronj, sepse kanë përballuar një punë të jashtëzakonshme. Natyrisht edhe për ekipet e ardhura nga jashtë. Zemra jonë është me të gjithë banorët e Durrësit. Me këtë solidaritet me këtë shpirt dhembshurie që ka shoqëruar punën e çdokujt, kemi treguar se në raste të tilla mund të jemi një familje e madhe pranë njëri tjetrit. Dua të falenderoj mediat për raportimet tuaja, që është kyç për informimin e qytetarëve. Për të luftuar panikun, shokun, tronditjen, vazhdoni raportimin me profesionalizëm”, tha ai./Opinion.al
