Situata vijon të jetë e vështirë në disa zona të Durrësit, pas përmbtyjeve që përfshin qytetin bregdetar nga moti i keq.
Ministria e Mbrojtjes deklaron se aktualisht problematika më të theksuara kanë rrugët dytësore në zonën e Durrësit të Ri, Shkozetit, Gjykata e Apelit, pjesërisht Zona e Plazhit.
Po ashtu, ka prani të ujit në një numër të konsiderueshëm banesash dhe ambientet publike. Është bërë evakuimi i disa familjeve, të cilat janë akomoduar te Kavalishenca.
Ndërkohë, sipërfaqja e tokës bujqësore nën ujë llogaritet në rreth 40 Ha. Ka një rritje të lehtë të niveleve të lumenjve Ishëm dhe Erzen, por pa rrezik për daljen nga shtrati.
Hidrovorët në Hamallaj dhe Porto Romano vijojnë punën me kapacitet të plotë Në terren janë të angazhuara forca nga MZSH, Autoriteti Portual, Bordi i Kullimit, ndërmarrjet e punëve publike të bashkisë.
Në mbështetje të forcave në terren janë angazhuar 2 pompa thithëse me kapacitet të lartë dhe 3 kamionë të kalueshmërisë së lartë nga Forcat e Armatosura. Gjatë natës kapacitetet nga FA u përforcuan edhe me 2 pompa të vogla nga batalioni i mbështetjes Poshnjë, të cilat janë duke punuar për largimin e ujit te IEPV Durrës.
Grupet e punës janë në terren për identifikimin, vlerësimin dhe raportimin e saktë të dëmeve.
