Policia Rrugore e Durrësit ka vënë në pranga tre shoferë dhe ka pezulluar 20 leje drejtimi, nga të cilat 6 për drejtim të automjetit në gjendje të dehur dhe 14 të tjerë për drejtim të automjetit tej normave të lejuara të shpejtësisë.
Gjithashtu, Shërbimet e Policisë Rrugore kanë vendosur 1513 masa administrative,për shkeljet si më poshtë:
203 masa administrative, për parakalim të gabuar;
47 masa administrative, për përdorim të aparatit celular gjatë drejtimit të mjetit;
78 masa administrative, për mospërdorim të rripit të sigurimit;
431 masa administrative, për qarkullim me shpejtësi mbi normën e lejuar;
236 masa administrative, për ndalim/pushim të mjetit në kundërshtim me sinjalistikën rrugore;
7 masa administrative, për mungesë të siguracionit të mjetit;
14 masa administrative, për mosvendosje të kaskës mbrojtëse, si dhe
497 masa administrative, për shkelje të rregullave të tjera të Kodit Rrugor.
Këto arrestime dhe pezullime vijnë si pasojë e një vëzhgimi një javor nga policia e Durrësit në bashkëpunim dhe me qytetarët, të cilët ka denoncuar rastet e shkeljes.
