Policia e Durrësit ka vënë në pranga 3 drejtues mjetesh dhe ka pezulluar 10 leje drejtimi, si rezultat i kontrolleve të ushtruara për 1 javë.
Uniformat blu bëjnë me dije se kanë arrestuar 3 drejtues mjetesh dhe kanë proceduar në gjendje të lirë 3 të tjerë për mosrespektim të rregullave të qarkullimit.
Gjithashtu janë pezulluar 10 leje drejtimi, nga të cilat 9 për tejkalim të normave të shpejtësisë dhe 1 tjetër, për drejtim të mjetit nën efektin e alkoolit.
“Gjatë një jave, si rezultat i kontrolleve të shtuara, në kuadër të masave për rritjen e parametrave të sigurisë rrugore, duke përdorur pajisjet logjistike bashkëkohore, nisur dhe nga denoncimet e qytetarëve, për shkelje të ndryshme rrugore:
-janë arrestuar 3 drejtues mjetesh dhe janë proceduar në gjendje të lirë 3 të tjerë, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”;
-janë pezulluar në total, 10 leje drejtimi, nga të cilat 9 për tejkalim të normave të shpejtësisë dhe 1 tjetër, për drejtim të mjetit, nën efektin e alkoolit”, thuhet në njoftimin e policisë./Opinion.al
