Një automjet ka dalë nga rruga dhe është përplasur me trafikndarësen, mbrëmjen e së dielës në qytetin e Durrësit. Për pasojë, është plagosur një 20-vjeçare e cila ishte drejtuese e mjetit dhe pasagjeri që udhëtonte me të. Policia njofton se të dy person janë jashtë rrezikut për jeten.
“Rreth orës 19:30, në lagjen Nr.13 Durrës, shtetasja R.K, 20 vjeçe, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga dhe është përplasur me trafikndarësen.
Si pasojë e përplasjes është dëmtuar drejtuesja e mjetit dhe pasagjeri shtetasi L. K., të cilët ndodhet nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit”, njoftoi policia. /Opinion.al
